Shopping cart
Your cart empty!
Унтахын өмнө халуун усанд орох нь нойрны чанарыг сайжруулдаг
2250 гаруй ахмад настнуудыг (дундаж нас 69) хамруулсан судалгаагаар, унтахынхаа өмнө халуун устай ваннд ордог хүмүүс ордоггүй хүмүүсээс илүү сайн унтдаг болох нь тогтоогджээ. Биеийн жингийн индекс, биеийн тамирын идэвх, дотор болон гаднах агаарын температур, өдрийн үргэлжлэх хугацаа зэрэг хүчин зүйлсийг тооцож үзэхэд, усанд орсон оролцогчдын нойрны үр ашиг өндөр, унтсаны дараа сэрүүн байх хугацаа бага, мөн нойрны чанар муу гэж гомдоллох магадлал бага байв.
Үүний гол шалтгаануудын нэг нь халуун ус биеийн арьсны температур болон биеийн дотоод температурт үзүүлж буй нөлөө юм. Халуун ус нь мөчүүдийн судаснуудыг тэлж, гар хөл болон биеийн их биеийн (хэвлий) арьсны температурын зөрүүг ихэсгэдэг. Энэ нь биеийн дулааныг илүү үр дүнтэй гадагшлуулахад тусалдаг бөгөөд ингэснээр нойр хүрэх дохио болох биеийн дотоод температур байгалийн жамаар буурах үйл явцыг дэмждэг байна.
Сонирхолтой нь, унтахаас 61-ээс 120 минутын өмнө, 41.7 С -аас бага температуртай усанд, 18 минутаас бага хугацаагаар орох нь хамгийн өндөр үр дүнтэй байжээ. Хэт халуун эсвэл хэт удаан хугацаагаар усанд орох нь үр дүн багатай байв. Мөн энэхүү нөлөө нь өвлийн хүйтэн саруудад илүү тогтвортой ажиглагдсан байна.
Р.Хишигээ
Tovch medeelel
Төстэй мэдээлэл:
Мөсөн голуудын тэн хагас нь 2100 он гэхэд устаж болзошгүй
2025/12/24 14:43