ТУСГАЙ ХАМГААЛАЛТТАЙ ГАЗАР НУТГИЙН ХУУЛИЙН ШИНЭЧИЛСЭН НАЙРУУЛГЫН ТӨСЛИЙН ХЭЛЭЛЦҮҮЛЭГ ЗОХИОН БАЙГУУЛАГДЛАА.

ТУСГАЙ ХАМГААЛАЛТТАЙ ГАЗАР НУТГИЙН ХУУЛИЙН ШИНЭЧИЛСЭН НАЙРУУЛГЫН ТӨСЛИЙН ХЭЛЭЛЦҮҮЛЭГ ЗОХИОН БАЙГУУЛАГДЛАА.

Тусгай хамгаалалттай газар нутгийн тухай хуулийн шинэчилсэн найруулгын төслийн хэлэлцүүлгийг Байгаль орчин, уур амьсгалын өөрчлөлтийн яамны Тусгай хамгаалалттай газар нутгийн бодлогын зохицуулалтын газрын шинжээч Д.Мөнхбаатараар ахлуулсан ажлын хэсэгтэй хамтран 2026 оны 05 дугаар сарын 16-ны өдөр Алтай хотод зохион байгууллаа.

Тус хэлэлцүүлэгт аймаг, сумдын удирдлагууд, холбогдох төрийн байгууллагуудын төлөөлөл, Говийн их дархан цаазат газрын А, Б хэсгийн хамгаалалтын захиргааны дарга, мэргэжилтнүүд, байгаль орчны хяналтын улсын байцаагч, байгаль хамгаалагчид болон иргэний нийгмийн байгууллагын төлөөллүүд оролцож, нийт 60 гаруй хүн хамрагдлаа.

Хэлэлцүүлгээр Тусгай хамгаалалттай газар нутгийн тухай хуулийн шинэчилсэн найруулгын төслийн зорилго, тусгай хамгаалалттай газар нутгийн үндэсний сүлжээг хөгжүүлэх, байгалийн үндсэн төрхийг хадгалан хамгаалах, нөхөн сэргээх, экосистемийн үйлчилгээний тогтвортой байдлыг хангах, зохистой ашиглах, мөн орчны бүстэй холбоотой харилцааг зохицуулах талаар тусгасан заалтуудыг танилцуулж, оролцогчдоос санал авлаа